Бишкекте айрым автобус каттамдарынын кыймылы өзгөртүлдү

Бишкекте айрым автобус каттамдарынын кыймылы өзгөртүлдү. Муниципалитеттен билдиришкендей, мунун себеби жол оңдоо иштерине байланыштуу.

Белгиленгендей, бүгүн Байтик баатыр көчөсүнүн Горький көчөсүнөн Бөкөнбаев көчөсүнө чейинки бөлүгү коомдук транспорт үчүн жабылды. Ага ылайык, №6, 52, 55, 56, 100, 103, 145, 152, 169, 195, 212, 226 автобус каттамдарынын жүрүү схемасы убактылуу өзгөртүлдү.

Эске салсак, учурда Бишкектин Ахунбаев жана Байтик баатыр көчөлөрү капиталдык оңдоодон өткөрүлүүдө.