Кыргызстанда алты жаңы муниципалдык мал базар ачылат

Жакында алты жаңы муниципалдык мал базар ачылат. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти.

Маалыматка ылайык, анын ичинен Кочкор районунда — 1, Лейлекте — 1, Ноокенде — 1, Сокулук — 1, Кадамжайда — 2 мал базар курулууда.

Белгилеп кетсек, бүгүнкү күндө республика боюнча 44 мал базар бар. Ветеринардык-санитардык талаптарга жооп берген мал базарлардын саны 15 болсо, 29 мал базарда райондук жана шаардык ветеринардык башкармалыктардын берген көрсөтмөлөрүнүн негизинде ветеринардык-санитардык талаптарга ылайык келтирүү боюнча оңдоп-түзөө иштери жүргүзүлүп жатат.