Бишкекте автогаздын тартыштыгы байкалууда

Борбор калаадагы май куюучу жайларда газ тартыш болууда. Бул тууралуу «Акчабарга» окурман билдирди.

Тактап айтканда, "Бишкек петролеум" алардын май куюучу жайларынын тармагы толугу менен автогазсыз калганын жана күндүн аягына чейин келет деп күтпөш керектигин билдирди. Газдын жоктугун “Газпром” май куюучу станциялары да тастыктады.

Бирок, күйүүчү майдын бул түрү "Ред Петролиум" май куюучу жайларында бар. Бул Ахунбаев, 273, Жибек Жолу/Фучик, Элебесова, 5 дарегиндеги филиалдар, бирок компаниянын маалыматына караганда бул пункттарда кезек күтүүлөр болууда.

Кошумчалай кетсек, май куюучу жайларда газ кайрадан качан пайда болору жана анын жоктугу эмнеден улам келип чыкканы боюнча азырынча маалымат жок.