Кыргызстан менен Сауд Аравия Королдугу дипломатиялык жана кызматтык паспорттордун ээлерин визалык талаптардан бошотуу боюнча меморандумга кол коюшту. Бул тууралуу Жогорку Кеңештин  сайтына жарыяланды. 

2024-жылдын 7-мартында Бишкекте кол коюлган келишим эки өлкөнүн жарандарына ар 180 күн сайын 90 күнгө чейин бири-биринин аймагына визасыз кирүү мүмкүнчүлүгүн берет.

Меморандумдун максаты - эл аралык байланыштарды жөнөкөйлөтүү жана өлкөлөр ортосундагы бизнес мобилдүүлүгүн өнүктүрүү. Бул келишим түрдүү тармактарда, анын ичинде маданий жана экономикалык алмашууда өз ара аракеттенүү үчүн жагымдуу шарттарды түзүү аркылуу эки тараптуу мамилелерди тереңдетет деп күтүлүүдө.

Меморандумдун долбоору 2023-жылдын 25-апрелинде Жогорку Кеңештин Эл аралык иштер, коргоо жана коопсуздук боюнча комитети менен макулдашылган жана КР Өкмөтүнүн 2023-жылдын 15-июнундагы токтому менен жактырылган.