2024-жылдын январь-май айларында Өзбекстан Кыргызстанга 195 млн долларга товар экспорттогон. Бул тууралуу коңшу өлкөнүн Статистика агенттиги билдирди. 

Маалыматка ылайык, Өзбекстан Орусияга - 1,4 млрд доллар, Кытайга – 822 млн доллар, Түркияга – 494 млн доллар, Казакстанга  – 486 млн доллар, Ооганстанга – 372 млн долларлык товар экспорттогон.

Ал эми маалыматта Кыргызстан Өзбекстанга канча товар экспорттогону жазылган эмес, тактап айтканда Кыргызстан коңшу өлкөгө эң көп экспорт жасаган 10 өлкөнүн катарына кирбейт.

Өзбекстанга эң көп экспорт жасаган алдыңкы үч өлкө: Кытай - 4,2 млрд доллар, Орусия - 3,4 млрд доллар жана Казакстан - 1,1 млрд долларды түзөт.