Таласта акциздик маркасы жок 17 млн сомдук тамеки табылды

28.06.2024, 09:10 Акчабар
Таласта акциздик маркасы жок 17 млн сомдук тамеки табылды

Таласта акциздик маркасы жок тамекилерди аткезчилик жол менен алып өтүү фактысы токтотулду. Бул тууралуу УКМКдан билдиришти.

УКМК кызматкерлери "Чоң-Капка" көзөмөл-өткөрүү пунктунун чек ара кызматкерлери менен биргеликте экономикалык коопсуздукка багытталган ыкчам-издөө иш-чараларынын жүрүшүндө Талас районунун аймагынан аткезчилик жол менен тамекилерди алып чыгуу аракетин аныктады.

25-июнда "Транспорт каражаттарын жана жүктөрдү кароо" чек ара тозоту тарабынан Кыргызстандын аймагынан чыгып келе жаткан учурда А.Н.Н. аттуу КР жараны башкарып бара жаткан "DAF" үлгүсүндөгү 07KG932ACQ мамлекеттик каттоо номердик белгиси жана 07KG614PA мамлекеттик номурлуу чиркегичи бар жүк ташуучу унаа кармалган.

"Текшерүүнүн жүрүшүндө автотранспорттун ичинен милдеттүү акциздик салык салынуучу 716 кутучадан акциздик маркасы жок "ORIS" маркасындагы тамеки буюмдары табылды. Кармалган жүктүн баасы болжол менен 17 млн сомду түзөт", - деп айтылат маалыматта.

Учурда бул факты боюнча тиешелүү ыкчам-иликтөө иш-чаралары жүргүзүлүп, кылмышка тиешеси бар адамдарды аныктоо жана укуктук баа берүү үчүн материалдар автоматташтырылган маалымат системасынын маалымат журналына катталды.

Тэги: кылмыш мыйзам Талас УКМК Чоң-Капка тамеки

Еженедельные дайджесты Акчабар

Каждую неделю мы будем готовить для вас обзор наиболее важных и интересных событий

Акчабар iPhone үчүн

  • Курсы валют в Бишкеке
  • Жаңылыктар жана аналитика
  • Банкоматтардын картасы
Жабуу

Акчабар Android үчүн

  • Курсы валют в Бишкеке
  • Жаңылыктар жана аналитика
  • Банкоматтар менен кассалардын картасы
Жабуу