“Баткен облусун жеңилдетилген насыялоо-2” долбоорунун алкагында 276,5 млн сом бөлүнгөн. Бул тууралуу Каржы министрлиги билдирди.

Долбоор Баткен облусун өнүктүрүү жана калкка мамлекеттик колдоо көрсөтүү максатында ишке ашырылууда.

Ага республиканын 2 коммерциялык банкы катышууда. Аларга насыя берүүнүн көлөмү 350 млн сомду түзөт. 

“2023-жылдын 23-ноябрына карата долбоордун алкагында Баткен облусунда 315 ишкердик субъектиге 276,5 млн сом жеңилдетилген насыялар берилди”, - деп белгилейт Каржы министрлиги.