Улуттук коопсуздук боюнча мамлекеттик комитеттин Орто-Сай айылындагы жер алдоо фактысы боюнча иликтөө иштеринин алкагында курулуп жаткан көп кабаттуу турак жай комплексинин 15 миң чарчы метр аянты мамлекетке өткөрүлдү.

Иш Аламүдүн токой чарбасынын жерлеринен жеке менчикке мыйзамсыз өтүп кеткен 3,08 гектар жер тилкеси боюнча козголгон. Участоктун үлүш ээлеринин бири башкалардын макулдугусуз аны курулуш компаниясына сатып жиберген.

Тергөө иш-чараларынын натыйжасында үлүштүк менчик ээлери 18 миң чарчы метр турак жай аянтын кайтарып берип, анын бир бөлүгүн мамлекетке компенсация катары өткөрүп беришкен. Бул 1 миллиард 260 миллион сомго жакын 300 батирди түздү.

Турак жай аймагы Мамлекеттик ипотекалык компанияга өтөт. Бул жерде турак жай комплексинин курулушу улантылууда жана аны эки жылдын ичинде бүткөрүү пландалууда.