Улуттук банк кайрадан валюта рыногуна тескери интервенция менен чыкты. Бул жолу регулятор 34,3 миллион доллар сатып алды.

Анын ичинен 17,5 миллион доллары бүтүм түзүлгөн күндөгү эсептешүүлөр менен, дагы 16,8 миллион доллары бүтүм түзүлгөн күндөн башка эсептешүүлөр менен болду.

Жөнгө салуучу валютаны 85,35-85,3 сом чегинде сатып алды.

Кошумчалай кетсек, жыл башынан бери бул он биринчи тескери интервенция. Жалпысынан валюталык операциялардын алкагында Улуттук банк 299 миллион 250 миң доллар сатып алды.