"Бакай Банктын" баалуу кагаздарынын ээлеринин тизмесинде олуттуу өзгөрүүлөр болду. Бул тууралуу Кыргыз фондулук биржасы билдирди.

"Бакай Банктын" акционери Сергей Ибрагимов 20,0006% акциясын уулу Тимур Ибрагимовго өткөрүп берген. Өткөрүлгөндөн кийин ал 21,0731%, же 31 миллион 385 миң 486 нуска баалуу кагаз менен калды. Өзгөртүүлөр 13-августта болгон.

Эске салсак, ушул жылдын июнь айында Улуттук банк "Бакай Банктын" директорлор кеңешинин төрагалыгына Тимур Ибрагимовдун талапкерлигин жактырган.