Орто-Токой суу сактагычынын курулушу 3 жылда бүткөрүлөт. Бул тууралуу Энергетика министрлиги билдирди.

Жаңы ГЭСтин кубаттуулугу 21 МВт болот. Курулуш иштерин “Чакан ГЭС” ААКсы менен келишим түзгөн кытайлык CNMC (China National Heavy Machinery Corporation) компаниясы жүргүзүүдө.

Энергетика министрлиги билдиргендей, долбоорлоо иштери аяктады. Кошумчалай кетсек, буга чейин Орто-Токой суу сактагычында ГЭСти куруу боюнча "Чакан ГЭС" ААКга Министрлер кабинети тарабынан тапшырма берилген.