Кыргызстандын коммерциялык банктарынын финансылык баяндамасына ылайык, тогуз айдын жыйынтыгы боюнча комбанктар 24 млрд 844 млн сом таза пайда (баланстык пайда) алышкан. Бул  2023-жылдын ушул мезгилине салыштырмалуу 6,5 млрд сомго көп. 

Эң көп кирешени мамлекеттик “Айыл Банк” 5,8 млрд сом жана коммерциялык “Мбанк” 5,6 млрд сом алган.

“Элдик Банк” 3,4 млрд сом жана “Бакай Банк” 2,5 млрд сом киреше тапкан. Ошондой эле, млрд долларлык пайданы “Оптима Банк” (1,8 млрд сом), KICB (1,7 млрд сом) жана “Демир Банк” (1,6 миллиард сом) алган.

Эң аз таза кирешеге “Толубай” АКБ (26,4 млн сом) жана “ФинансКредитБанк КАБ” (25,2 млн сом) ээ болгон. Ошол эле учурда “Евразия сактык банкынын” да кирешеси азайган. Өткөн жылдын тогуз айында банктын кирешеси 23,3 млн сомго бааланганына карабастан, чыгымы 85,1 млн сомду түзгөн. 

2023-жылдын тогуз айына салыштырмалуу “Мбанктан” (+2,9 млрд сом) тышкары мамлекеттик банктар таза кирешесин көбөйтүштү – “Элдик Банк” (+1,9 млрд сом), “Айыл Банк” (+1,8 млрд сом), ошондой эле “Керемет Банк” (Автордун эскертүүсү – Финансы министрлиги тарабынан акционердин алмашуусу тууралуу маалыматты расмий тастыктай элек) 326,2 млн сом. Таза кирешенин өсүшү боюнча кийинки орунда KICB (+310,7 млн ​​сом) жана “Бакай Банк” (+238,2 млн сом) турат. 

Ошол эле учурда, "Евразия сактык банкын"эсепке албаганда, алты банктын таза киреше көрсөткүчтөрү бир топ төмөндөдү (-1,5 млрд сом). Киреше баарынан да “Оптима Банкта” жарым миллиарддан ашык сомго (-533,4 миллион сом), “Демир Банкта” 279,8 млн сомго азайган.

Белгилеп кетсек, талдоого алынып жаткан мезгилде банктардын негизги кирешеси чет элдик валюта жана комиссиялык төлөмдөрдөн түшкөн.