akchabar logo with typographysearch
    Main photo

    Жарыяланган

    2024-11-11, 12:33

    Улуттук банктын алтын түрүндөгү активдери дээрлик 75 млрд сомго көбөйдү

    Улуттук банктын 2024-жылдын үчүнчү чейрегиндеги финансылык отчетуна ылайык, жыл ичинде активдериндеги алтын 74 миллиард 908 миллион сомго көбөйдү.

    Банктын активдериндеги алтындын жалпы көлөмү 187 миллиард 48,2 миллион сомго жетип, өткөн жылга салыштырмалуу 66,8 пайызга көп болду. Мында Улуттук банктын монетардык эмес алтынынын жана баалуу металлдардагы запастарынын көлөмү 146,7 миллиард сомдон 128,3 миллиард сомго чейин 18 миллиард 396,6 миллион сомго кыскарган.

    Жалпысынан Улуттук банктын активдери жыл ичинде 115,9 миллиард сомго өсүп, 522 миллиард 83,8 миллион сомго жеткен. Бул өсүш негизинен алтындын көлөмүнүн, ошондой эле жөнгө салуучу органдын кассадагы, банктардагы жана башка финансы-кредиттик мекемелердеги каражаттарынын көбөйүшү менен шартталган, анын көлөмү 135 млрд 783,5 млн сомго чейин көбөйгөн.


    Тектеш материалды окуу