Эмгек, социалдык камсыздоо жана миграция министринин орун басары Дарманкул уулу Бакыт Алай районунда “Социалдык контракт” долбоорунун ишке ашырылышына мониторинг жасады. Бул тууралуу мекеменин басма сөз кызматы билдирет.

Анын айтымында, эки жыл ичинде Ош облусунун Алай районундагы 352 аз камсыз болгон үй-бүлө мамлекеттен 100 миң сом алып, өз ишин баштаган.

Маалыматка ылайык, бардык үй-бүлөлөр киреше гана алышпастан, бизнесин кеңейтүүнү да пландоодо. 

“2024-жылы облус боюнча жалпы квота 7085 үй-бүлөнү түзсө, анын 584ү Алай районунан болот. 126 үй-бүлө социалдык контракт алды (республикалык бюджеттен 35, Дүйнөлүк банктан 91). Бүгүн Алай районунун 35 үй-бүлөгө сертификаттарды тапшырдык”, – деди ал.