Бишкекте коммуналдык төлөмдөрдүн бирдиктүү квитанциясы ишке киргизилет.

Мэриядан билдиришкендей, жаңычылдык суу, жылуулук, газ, таштанды чыгаруу жана лифттин тейлөө акысын бир документке бириктирүүнү камтыйт. Ага ылайык, тургундар бир квитанциянын жардамы менен бардык керектүү кызматтарды дароо төлөй алышат.

Бул убакытты үнөмдөйт жана төлөмдөрдү кечиктирүүгө жол бербейт деп күтүлүүдө. Квитанцияларда төлөм маалыматын камтыган QR-код да болот.

Эске салсак, бул долбоор буга чейин шаардын айрым райондорунда пилоттук негизде иштеп жаткан.