Ишкерлерге Фитосанитардык сертификаттарды онлайн алууга шарт түзүлдү. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти.

Электрондук өтүнмөнү “Бирдиктүү терезе” маалыматтык системасы аркылуу берсе болот. Ага ылайык, тышкы экономикалык ишмердиктин катышуучулары фитосанитардык документтерди алуу үчүн Департаменттин кеңселерине же Ишкерлерди тейлөө борборлоруна барбай эле, аралыктан арыз бере алышат.