28-майда Министрлер кабинети жыйын өткөрүп, анда жалпысынан 16 маселе каралды. Бул тууралуу өкмөттүн басма сөз кызматы билдирди. 

Маалыматка ылайык, чогулушта айрым дары-дармек, техникалык жана тамак-аш өсүмдүк сырьесун даярдоого, жыйноого убактылуу тыюу салуу боюнча токтом кабыл алынды.  

“Кыргызстандын аймагындагы макротомия (Macrotomia DC), арнебия (Arnebia Forssk), ясенец (Dictamnus L), аконит (Aconitum L) жана афлатун пиязы (Allium aflatunense B.Fedtsch) өсүмдүктөрүн дары-дармек, техникалык, тамак-аш өсүмдүк сырьесун даярдоого, жыйноого үч жылга убактылуу тыюу салуу боюнча токтом кабыл алынды”, - деп айтылат маалыматта.