Кыргызстанда никесиз төрөлгөн балдардын саны азая баштады. 2023-жылы кыргызстандык аялдар 145 миң 977 ымыркай төрөгөн, бул 2019-жылга салыштырмалуу 28 миңге аз. Ал эми никесиз балдардын саны 3,2 эсеге азайган.

2019-жылы бардык жаңы төрөлгөн балдардын 21% никесиз болгон, ал эми 2023-жылы бул көрсөткүч 8,1%га төмөндөгөн. Жалпысынан өткөн жылы никесиз төрөлгөн 11 миң 796 бала катталган. Анын үстүнө алардын 85% апасына гана катталган, демек миңдеген балдар атасыз чоңоюшу ыктымал.

Белгилеп кетсек, акыркы беш жылда никесиз балдардын эң жогорку пайызы 2022-жылы катталган – анда бардык жаңы төрөлгөн балдардын 23,3%ы, же 34 миң 978 ымыркай никесиз төрөлгөн.