21-октябрга карата Улуттук банкка жайгаштырылган мамлекеттик казына облигацияларындагы Кыргызстандын ички карызы 163 миллиард 600,4 миллион сомду түздү.

18-октябрга салыштырмалуу Каржы министрлиги 60 миллион сомго ички карызды төлөгөн. Сумма 2019-жылдын 18-октябрында жайгаштырылган беш жылдык облигациялар боюнча чегерилген.

Анда өлкөнүн башкы каржы мекемеси 6% купондун негизинде 60 млн сомду жылдык 10,6% менен аукционго койгон. Белгилеп кетсек, алгач Каржы министрлиги 200 миллион сом тартууну пландаган, бирок соодага катышуучулар арасында суроо-талап азырак болуп чыккан.

Кошумчаласак, Кыргызстандын беш жылдык облигациялар боюнча милдеттенмеси 21-октябрга карата 22 миллиард 74,5 миллион сомго бааланды.