Ноокатта 410 миллион долларга минералдык жер семирткичтерди чыгаруучу завод курулат.

Суу ресурстары, айыл чарба жана кайра иштетүү өнөр жайы министрлигинин басма сөз кызматы билдиргендей, ишкананын кубаттуулугу жылына 500 миң тоннаны түзөт. 

Курулуш эки этап менен жүрөт. Биринчисинде кубаттуулугу жылына 200 миң тонна жер семирткич өндүрүү пландаштырылууда. Экинчи этапта ишкана толук кубаттуулукта иштейт.

Заводдун ишке кириши өлкөнүн айыл чарба өндүрүүчүлөрүн минералдык жер семирткичтердин керектүү көлөмү менен камсыздайт деп күтүлүүдө.