Тамак-аш азыктарынын коопсуздугун камсыздоо жана калктын саламаттыгын сактоо максатында ветеринардык кызматтын аймактык бөлүмдөрү тарабынан 2024-жылдын 1-январынан баштап бүгүнкү күнгө чейин 2 миң 520 чарбалык субъектке текшерүү жүргүзүлдү.

Текшерүү мал чарба азык-түлүктөрүн өндүрүү, кайра иштетүү жана сатуу менен алектенген ишкерлерге тиешелүү болду.

Анын жүрүшүндө ветеринардык-санитардык нормаларды бузуу фактылары аныкталып, жыйынтыгында мыйзам бузууларды четтетүү боюнча 300 буйрук берилген. Мындан тышкары, белгиленген ветеринардык талаптарды аткарбагандыгы үчүн жалпы суммасы 2 млн 206 миң 500 сом айып салынган.