Мамлекеттик салык кызматы Salyk.kg мобилдик тиркемесин ишке киргизди.Тиркеме "Салык төлөөчүнүн жеке кабинетинин" мобилдик версиясы болуп саналат. Бул тууралуу аталган мекемеден билдиришти. 

Мобилдик тиркеме Cabinet.salyk.kg “жеке кабинетинин” веб-версиясында катталган жана иштеген салык төлөөчүлөр үчүн жеткиликтүү.

Тиркеменин жардамы менен колдонуучулар онлайн режимде төмөнкү кызматтардан пайдалана алышат: 

– салыктарды төлөө;

– электрондук патентти жана камсыздандыруу полисин тариздөө;

– электрондук товардык-транспорттук коштомо кагаздар менен иштөө;

– карыздын же ашыкча төлөмдүн бар экендигин текшерүү;

– салык отчетторун нөлдүк көрсөткүчтөр менен тапшыруу;

– салык органдарынан маалымкат алууга суроо-талап жиберүү;

– катталган мүлк жөнүндө маалыматтарды алуу.

Salyk.kg тиркемесин Google Play жана App Store аркылуу жүктөп алууга болот.