Бишкекте өткөн Түрк мамлекеттер уюмунун саммитинин алкагында жалпысынан 16 документке кол коюлду. Бул тууралуу аталган уюмдун Баш катчысы Кубанычбек Өмүралиев билдирди.

Саммит “Түрк дүйнөсү: экономикалык интеграция, туруктуу өнүгүү, баары үчүн санарип келечек жана коопсуздук” деген аталышта өттү. Ал эми 2025-жылы Бишкек шаары Түрк мамлекеттер уюмунун санариптик, Жалал-Абад шаары туристтик борбору деп аныкталды.

Белгилеп кетсек, ТМУга 2025-жылы төрагалык кылуу Казакстандан Кыргызстанга өттү.

Саммитке беш мүчө – Азербайжан, Кыргызстан, Казакстан, Өзбекстан жана Түркиянын жетекчилери, уюмга байкоочулук кылган өлкөлөрдүн өкүлдөрү катышты.