Кыргызстандын тышкы жана өз ара соодасынын көлөмү 2024-жылы 16 миллиард долларды түзүп, 2023-жылга салыштырмалуу 0,9%га өстү. Бул тууралуу Улуттук статистикалык комитет билдирди.

Мында экспорттук жеткирүүлөр 13,1%га өскөн, ал эми импорттук түшүүлөр, тескерисинче, 2,4%га кыскарган.

"Өткөн жылдын январь-декабрь айларында ЕАЭБ өлкөлөрү менен өз ара сооданын көлөмү дээрлик 5 миллиард долларды түздү, бул мурунку жылга салыштырмалуу 8,5%га көп", — деп түшүндүрөт Улуттук статистикалык комитет.

Бул мезгилде республиканын өз ара соодасынын эң чоң үлүшү Орусия (71,2%) жана Казакстан (26,8%) менен болгондугу көрсөтүлгөн.