akchabar logo with typographysearch
    Main photo
    Сүрөт алынган жер: www

    Жарыяланган

    2022-24-05, 08:51

    Бишкекте ЕАЭБ өлкөлөрүнүн агроөнөр жай продукцияларынын көргөзмөсү өтөт

    Эртең, 25-майда Бишкекте ЕАЭБге мүчө өлкөлөрдүн агроөнөр жай тармагынын мыкты продукцияларынын көргөзмөсү өтөт. Бул тууралуу бүгүн журналисттерге ЕЭКтин протоколдук жана уюштуруучулук камсыздоо департаментинин директору Данияр Турусбеков билдирди.

    Иш-чара борбор калаанын борборунда, "Орион" мейманканасынын каршысында уюштурулуп, күн бою уланат. Көргөзмөнүн расмий ачылышы саат 11:00дө Улуттук инвестициялык агенттиктин директору Равшан Сабировдун жана ЕЭКтин өнөр жай жана агроөнөр жай комплекси министри Артак Камаляндын катышуусунда пландаштырылууда.

    Көргөзмө 26-майда Бишкекте өтө турган Евразиялык экономикалык форумдун иш-чараларынын алкагында өткөрүлүүдө.

    Белгиленгендей, экспонаттар продукциянын сапатын баалоо боюнча улуттук сынактардын жыйынтыгы боюнча аныкталып, ЕАЭБ өлкөлөрүнүн агроөнөр жай комплекси боюнча Консультативдик комитеттин мүчөлөрү тарабынан жактырылды.