Кийинки жылдан баштап Казакстанда Kids go free программасы иштей баштайт, ага ылайык 2 жаштан 14 жашка чейинки балдар акысыз учат, деп жазды Kursiv.

Программаны 2022-жылдын 1-январынан тарта ишке киргизүү пландалууда. Авиабилеттердин наркы мамлекет тарабынан субсидияланат, бирок туристтик өнүмдүн бир бөлүгү катары сатылып алынган билеттерге гана акча кайтарылат. Бир ата-эне (же тууганы) экиден ашык эмес баласын ала алат жана барган жеринде беш күндөн кем эмес жашай алат.

Бул программа Алакөл, Балхаш, Бурабай, Баянаул, Түркстан, Мангистау, Байконур, Алматы облусу, Имантау-Шалкар курорттук зонасы жана Нур-Султан сыяктуу багыттарга билеттерди гана камтыйт.

Туристтер кандайдыр бир окуяны - семинарды, көргөзмөнү, конференцияны өткөрүү үчүн барышса, борборго билеттер субсидияланат.