Учурда 600 миң кыргызстандык чет өлкөдө жүрөт. Бул тууралуу Эмгек, социалдык камсыздоо жана миграция министринин орун басары Бакыт Дарманкул уулу билдирди.

Анын ичинен эң көбү Россиянын аймагында жашайт. Аталган өлкөнүн расмий маалыматына караганда, миграциялык каттоодо турган кыргыз жарандарынын саны былтыр 380 миңдей адамды түзгөн.

Ал эми 70 миңи Казакстанда болсо, АКШда 40 миңдей мигрант бар. Мындан тышкары, кыргыздар Түркия, Корея, Германия өңдүү өлкөлөрдө да эмгектенет.