Билим берүү жана илим министрлиги ЖОЖдорго кышкы кабыл алуу графигин бекитти.

Жалпысынан төрт тур болот. Биринчи этап 23-декабрдан 28-декабрга чейин өтөт. Бул мезгилде абитуриенттер каттоодон өтүшөт, андан кийин окууга сунушталгандардын тизмеси илинет жана болочок студенттер университетте окууну каалагандыгын ырасташы керек.

Ушундай эле процедуралар менен экинчи тур 13-18-январь аралыгында, үчүнчүсү 20-25-январь, төртүнчүсү 27-январдан 1-февралга чейин өтөт.

Эске салсак, абитуриенттерди кышкы кабыл алуу келишимдик негизде гана окууга жүргүзүлөт.