“Жунхай” базарынын жанындагы “Береке” базарын опузалоо менен тартып алган уюшкан кылмыштуу топтун мүчөсү Ы.М. кармалды. Бул тууралуу УКМК билдирди.

Ал базарды тартып алып, анын ээсин криминалдык авторитет менен туугандык байланышы бар экендигин айтып, коркутуп келген.

Ишкер, бокс чебери жана бокс боюнча улуттук курама команданын улук машыктыруучусу, 2010-жылы насыя алып, тендер аркылуу 8,5 сотых жер тилкени сатып алган. Акчаны банкка кайтара албай, турак-жайынан ажырап, толук кандуу жашоо үчүн дээрлик каражаты жана мүмкүнчүлүгү жок калган.

Буга чейин укук коргоо органдарына кайрылып, андан жыйынтык чыккан эмес. Ы.М УКМКнын тергөө абагына камакка алынды.