Бир катар саламаттык сактоо уюмдарынын материалдык-техникалык базасын чындоого каражат бөлүндү. Тиешелүү чечимге Министрлер кабинетинин төрагасы Акылбек Жапаров кол койду.

Атап айтканда, республикалык бюджеттен кошумча каражаттар берилет. Каражат төмөнкү медициналык жайларга тапшырылат:

• Талас медициналык колледжинин жылуулук системасын оңдоого 5 млн сом;
• Бишкек шаардык балдар клиникалык тез жардам ооруканасына лифттерди, медициналык жабдууларды сатып алууга жана соматикалык имарат курууга 70 млн сом;
• Улуттук хирургиялык борборуна медициналык жабдууларды сатып алуу жана операциялык жана реанимация бөлүмүн капиталдык оңдоого – 33 млн сом.