Кыргызстанда лицензиясы жок жеке клиникалардын баары жабылат. Бул тууралуу саламаттыкты сактоо министри Алымкадыр Бейшеналиев маалымат жыйынында билдирди.

Анын айтымында, 2022-жылы республика боюнча лицензиясы жок иштеген 2800 клиника аныкталган.

“Бирок мораторийге байланыштуу Башкы прокуратура ишти токтоткон. Биздин айрым кызматкерлер прокуратурага чакырылып, кылмыш иштери козголду. Бирок азыр президент менен премьер-министрден уруксат алып, лицензиясы жок бул клиникаларды жабабыз”, - деди ал.

Бейшеналиев белгилегендей, дал ушундай клиникаларда ар кандай инфекциялар, вирустар ж.б. жугууда. Эң чоң көйгөй бизнеске айланган стоматологиялык, косметологиялык жана гинекологиялык клиникалар.