Бүгүн Хью Ридделл Дүйнөлүк банктын Кыргызстандагы өкүлчүлүгүнүн жетекчиси болуп дайындалды. Бул тууралуу Дүйнөлүк банк билдирди.

Маалыматка ылайык, Хью Ридделл Дүйнөлүк банктын Кыргызстандагы ишин жетектейт, ал мамлекеттик кызматкерлер, жарандык коом, жеке сектор жана өнүктүрүү боюнча өнөктөштөр менен социалдык-экономикалык саясат маселелери боюнча диалогду камтыйт. Ошондой эле, анын милдети Дүйнөлүк Банктын өлкө командасын башкаруу жана Кыргызстан менен өнөктөштүктүн алкактык программасын ийгиликтүү ишке ашырууну камсыз кылуу болуп саналат.

Хью Ридделл 2007-жылы Дүйнөлүк банкка мүчө болгон жана Вашингтондо, Ооганстанда жана Чыгыш Африкада түрдүү кызматтарды аркалаган британ жараны. 2020-жылдын июлунан 2024-жылдын апрелине чейин ал Дүйнөлүк банктын Малавидеги өкүлчүлүгүнүн жетекчиси болуп иштеген. Дүйнөлүк банкка чейин Ридделл БУУда, Еврокомиссияда, инвестициялык банкинг жана журналистика тармагында иштеген.