Суу ресурстары, айыл чарба жана кайра иштетүү өнөр жайы министрлигинде Түрк элчилигинин өкүлдөрү жана “Turkish Airlanes” авиалиниясынын өкүлдөрү менен жолугушуу болуп өттү. Бул тууралуу аталган министрликтен билдиришти.

Жолугушуунун алкагында Бишкектен Кытайга Шанхай шаарына чейинки айыл чарба товарларын ташуу боюнча макулдашууга кол коюлду.

Макулдашууда айыл чарба товарларын (жүктөрдү) жумасына 300 тоннага чейин ташуу каралган жана 1 килограмм баасы 6-7 доллардан 1-1, 5 долларга төмөндөтүлгөн.

Ошондой эле, бул макулдашуу атамекендик өндүрүүчүлөрдү жана экспортерлорду айыл чарбасын активдүү өнүктүрүүгө жана республиканын экспорттук потенциалын жогорулатууга чоң салым кошот.