Кыргызстан менен Вьетнамдын ортосундагы соода жүгүртүү төрт айда 20 млн 15,5 миң долларды түздү. Ошол эле учурда Вьетнам Кыргызстандан импорттобой, негизинен товарларды экспорттогон. Мындай маалыматты Улуттук статистика комитети билдирди.

Маалыматка ылайык, Вьетнам 19 млн 969 миң доллар Кыргызстанга товар жеткирген, ал эми Кыргызстан 46,4 миң долларга товар жеткирген.

Аталган мезгил аралыгында Кыргызстан Вьетнамга малдын ичеги-карындары сыяктуу мал азыктарын саткан. Ал эми Вьетнамдан электр жабдууларын (16,9 млн доллар), телефондорду (16,7 млн доллар), кийим-кече жана бут кийимдерди (1 млн доллар) ж.б. сатып алган.

Кызыгы, бул мезгилде (2024-жылдын январь-апрель) Кыргызстанга 67 млн 57,6 миң долларга 705,3 миң телефон импорттолгон. Вьетнам 37,2 млн долларга телефон импорттогон Кытайдан кийинки экинчи орунда турат. Бул өлкөдөн кийин Индия (6,7 млн доллар) турат.

Кызыгы, Түштүк Кореянын телефон гиганты “Samsung Electronics” компаниясынын ири заводдорунун бири Вьетнамда жайгашкан. Ошол эле учурда Түштүк Корея өзү 989,9 миң долларлык телефондорду импорттогон.