15-апрелге карата республика боюнча кызамык оорусунун 8 миң 209 учуру катталды. Бул тууралуу Республикалык иммунопрофилактика борбору билдирди.

Маалыматка ылайык, эксперттер вирустун Бишкек, Чүй жана Жалал-Абад облустарында көп жайылып жатканын белгилейт.

Оорулуулардын жалпы санынын аймактык бөлүнүшү боюнча Бишкек шаарында 2 миң 687 учур, Ош шаарында 479 учур, Ош облусунда 1 миң 316 учур, Баткенде 231, Чүйдө 1 миң 952, Жалал-Абадда 1 миң 198, Ысык-Көлдө 139 учур, Таласта 105, Нарын облусунда 102 учур катталган.