Кытай, Кыргызстан жана Өзбекстанды бириктире турган темир жолдун курулушу 2024-жылдын октябрында башталат. Бул тууралуу “Кыргыз темир жолу” ишканасынын капиталдык курулуш башкармалыгынын башчысы Рыскулбек Жумабаев “Биринчи радиого” берген маегинде билдирди.

Анын айтымында, келечектеги темир жол линиясы Транс-Евразиялык транспорт коридорунун түштүк бөлүгүнүн тармактарынын бирине айланат.

Эске салсак, “Кытай – Кыргызстан – Өзбекстан” темир жол каттамы Кашкар, Торугарт, Макмал, Жалал-Абад жана Анжиян шаарлары аркылуу өтөт.