Ноокат шайлоо округу боюнча беш тилкенин добуштары кайра саналат.

Айрым талапкерлер шайлоо күнү аталган райондо 30 мүнөт электр жарыгы өчүп калганын, бул шайлоо жыйынтыгына таасир этиши мүмкүн экенин айтып, Борбордук шайлоо комиссиясына арыз менен кайрылышкан. Анын натыйжасында беш участоктогу добуштарды кайра саноо чечими кабыл алынды.

Эске салсак, 30-июнда Ноокат, Ысык-Көл жана Свердлов бир мандаттуу шайлоо округдары боюнча Жогорку Кеңешке депутаттарды кайра шайлоо өттү.

Баштапкы жыйынтык боюнча Ноокаттан Бакытбек Марипов алдыга чыккан.