17-20-ноябрда президент Садыр Жапаров Жапонияга иш сапары менен барат. Бул тууралуу Жапониянын Министрлер кабинетинин башкы катчысы Хироказу Мацуно 7-ноябрда өткөн маалымат жыйынында билдирди, деп жазат Nikkei.

Сапар учурунда Жапаров премьер-министр Фумио Кишида менен жолугушуп, кан жана канайым менен жолугушууну пландаштырууда.

Мацуно белгилегендей, 2022-жылы Кыргызстан менен Жапония дипломатиялык мамилелердин түзүлгөндүгүнүн 30 жылдыгын белгилешкен.

“Кыргызстандын президентинин Жапонияга сапары эки өлкөнүн ортосундагы достук жана кызматташтык мамилелерди мындан ары да тереңдетет деп ишенем”, - деди ал.

Ошондой эле, Садыр Жапаров Токиодон тышкары Киото шаарына да барат.

Белгилеп кетсек, Кыргызстандын Жапония менен болгон соода жүгүртүүсү 117 млн долларды түзөт.