Россия Бишкекке 135 тонна байытылган буудай унун жана 60 тоннадан суу май берет. Бул тууралуу Россиянын Кыргызстандагы элчилигинин басма сөз кызматы билдирди.

Маалыматка ылайык, бүгүн Россиянын азык-түлүк жардамын тапшыруу аземи болуп, ал муктаж үй-бүлөлөргө максаттуу бөлүштүрүлүп берилет.

"Аталган долбоор Россия Федерациясынын 2020-2021-жылдарга БУУнун Бүткүл дүйнөлүк азык-түлүк программасына 9 млн доллар өлчөмүндөгү ыктыярдуу максаттуу салымынын алкагында ишке ашырылууда",- деп айтылат маалыматта.

Айта кетсек, ушундай эле акция 20-апрелде Ош шаарында болуп, 675 тонна ун, 60 тонна май тапшырылган.