Кыргызстандын Соода-өнөр жай палатасы менен Санкт-Петербургдун Соода-өнөр жай палатасы бирикмеси кызматташуу боюнча келишимге кол коюшту. Бул тууралуу аталган мекемеден билдиришти.

Макулдашууга Соода-өнөр жай палатасынын жетекчиси Темир Сариев жана Санкт-Петербург шаарынын Соода-өнөр жай палатасынын бирлигинин жетекчиси Владимир Катенев кол коюшту.

Тараптар өз ара соода-экономикалык жана илимий-техникалык байланыштарды кеңейтүү боюнча макулдашышты. Макулдашуунун алкагында Санкт-Петербургдун, КРнын уюмдарына жана ишкерлерине өнөктөш табуу, соода миссияларын уюштуруу, көргөзмөлөрдү, жарманкелерди уюштуруу жана башка иш-чараларга катышууга көмөк көрсөтүлөт.

Мындан тышкары, Санкт-Петербург шаарында КРнын Соода-өнөр жай палатасынын өкүлчүлүгүн ачуу пландалууда.