Бишкекте жылуулук беш күн катары менен аба табы +8 градустан төмөн болгон учурда берилет. Бул тууралуу мэриядан билдиришти.

Синоптиктердин айтымында, жума күнгө чейин туруксуз аба ырайы сакталып, апта соңунда күн кайрадан жылып баштайт.

Эске салсак, ушул жылдын 1-июнунан тарта жылуулук жана ысык сууга жаңы тарифтер күчүнө кирди. Ага ылайык, батирдин аянты 80 чарчы метрге чейин болсо 1 гигакалорий үчүн 1 миң 560 сомдон төлөнөт, андан көп болсо жылуулук энергиясынын өз наркы менен тариф чегерилет.

Ал эми ысык суунун 1 гигакалориясына тариф 1 миң 120 сомдун ордуна 1  миң 560 сомдон эсептелет.