2024-жылдын жети айында (январь-июль) Кыргызстандан 509,7 миллион долларлык 7,05 тонна алтын экспорттолду. Август айында экспорт 25,4%га өсүп 8,7 тоннаны түзүп, жалпы көлөмү 639,4 млн доллар болду. Муну менен август айында кошумча 1,7 тонна баалуу металл экспорттолгонун Улуттук статистикалык комитеттин маалыматы тастыктайт.

Ата мекендик алтындын негизги сатып алуучулары Улуу Британия, Кытай, Швейцария жана БАЭ бойдон калууда. Бирок август айында баалуу металлды Улуу Британия гана импорттогон. Ушул жылдын август айында Улуу Британияга экспорт 39,7%га өсүп 5,9 тоннаны түзүп, сумма 445,5 миллион долларды түзгөн. Ал эми январь-июль айларында 4,2 тонна экспорттолгон.

Өз кезегинде Кытай жыл башынан бери 129,4 миллион долларга 1,8 тонна, Швейцария 63,5 миллион долларга 971,5 килограмм алтын сатып алган. Август айында Бириккен Араб Эмираттарына 881 миң долларга жөнөтүлгөн алтын 13,5 килограммды түздү.