Энергетика министри Таалайбек Ибраев бүгүн кечинде Бишкек ЖЭБи штаттык режимде иштей баштаарын билдирди.

Анын айтымында, учурда министрлик кырсыктын кесепеттерин жоюу иштерин улантууда. 

“Шаарда жылуулуктун температурасын акырындап жогорулатып жатабыз. Саат 22:00гө чейин ЖЭБти кадимки режимде иштетүүнү пландап жатабыз. Бардык техника бар, энергетиктердин бригадалары иштеп жатат. Кырсыкты өз күчүбүз менен жок кылабыз деген үмүттөбүз”, - деди министр.