Эртеңден тарта Бишкекте жылуулук бериле баштайт. Тиешелүү буйрукка калаа башчы Айбек Жунушалиев кол койду.

Мэриядан билдиришкендей, ордо калаа боюнча метеорологиялык болжолдоонун жана абанын температурасынын жакынкы күндөрдө өзгөрүү динамикасын эске алуу менен штаб жылытуу мезгилин 2024-жылдын 22-октябрынан тарта баштоо чечимин кабыл алды.

Белгиленгендей, жылуулук берүү бир нече күнгө созулат. Биринчи кезекте оорукана, бала бакча, мектеп, төрөт үйлөрү жана социалдык коргоо мекемелери, экинчи кезекте турак жайлар, өнөр жай ишканалары жана мекемелерге берилет.