Кечээ, 5-ноябрда “Кыргызалтын” ААКында Citi эл аралык банкынын делегациясы менен жолугушуу өттү. Алар баалуу металлдарды экспорттоо, инвестицияларды тартуу жана компаниянын IPOго чыгуу пландарына консультациялык колдоо көрсөтүү жаатында кызматташуунун келечегин талкуулашты.

Citi 1812-жылы Нью-Йоркто негизделген, Citigroup каржы корпорациясынын бир бөлүгү болуп саналат жана чекене жана корпоративдик банкинг, насыялоо, инвестиция жана активдерди башкаруу сыяктуу кызматтардын кеңири спектрин көрсөтөт. Citi 100дөн ашык өлкөлөрдө өкүлчүлүгү бар, бул аны "Кыргызалтындын" эл аралык катышуусун жана инвестициялык мүмкүнчүлүктөрүн кеңейтүү үчүн жагымдуу өнөктөш кылат.