Суу ресурстары, айыл чарба жана кайра иштетүү өнөр жайы министрлиги Кытайга айыл чарба продукциясын экспорттоону пландоодо. Бул тууралуу аталган министрликтен билдиришти. 

Эске салсак, буга чейин Министрлер кабинетинин 2024-жылдын 23-июлундагы №441-р тескемеси менен Кытайга өрүктү экспорттоодо фитосанитардык талаптар жөнүндө протокол бекитилген. 

"Протоколду ишке ашыруу үчүн өрүк өстүрүлгөн Кыргызстандын аймагында ыйгарым укуктуу органдардын биргелешкен кыргыз-кытай инспекциясын уюштуруу зарыл. Жакында өрүк өндүрүүчүлөр Кытайдын рыногуна чыгууга мүмкүнчүлүк алышат", - деп айтылат маалыматта.