Жергиликтүү кеңештердин сандык курамы бекитилди. Тиешелүү мыйзамга президент Садыр Жапаров кол койду. 

Ага ылайык, Бишкек жана Ош шаарларынын кеңештерине 51 депутат, шаардык жана айылдык кеңештерде шайлоочулардын саны 70 миңге чейин болсо 31 депутат, андан жогору болсо 41 депутат шайланат. Мыйзамды Жогорку Кеңеш 19-сентябрда кабыл алган. 

Эске салсак, Кыргызстанда жергиликтүү кеңеш депутаттарын шайлоо ушул жылдын 17-ноябрында өтөт.