"Салым Финанс" МФК ААК облигациялар боюнча кирешелердин төлөнүшү жөнүндө билдирди. Бул тууралуу билдирүү Кыргыз фондулук биржасынын сайтында жарыяланды.

Жалпысынан 4 млн 614,2 миң сом чегерилген. Компания 100 облигация ээсине 3,8 миллион сом төлөгөн.

12 облигация кармоочуга 756,6 миң сом кирешеси төлөнгөн жок. Буга облигациялар инвесторлор тарабынан талап кылынбаганы себеп болгон. Мындай облигациялардын саны 16 миң 361 даананы түздү.

Компания талап кылынбаган төлөмдөрдү жөнгө салуу боюнча ишти улантат.