Жогорку Кеңештин жыйынында Министрлер кабинетинин башчысы Акылбек Жапаров "Жунда" мунай заводу эки жылдын ичинде ишке кирерин, инвесторлор менен болгон бардык талаш-тартыштар чечилгенин билдирди.

"Ал жерде 550 миллион доллар салган инвестор бар, анын үлүшүн Кытай өкмөтү, башкача айтканда Сиань провинциясы сатып алган. Ишке киргизилгенден кийин завод өлкөнү күйүүчү-майлоочу май менен толук камсыздай алат. Биз азыр Иран, Орусия жана Казакстан менен бизге кендерди берүү боюнча сүйлөшүүлөрдү жүргүзүп жатабыз", - деди Акылбек Жапаров.

Эске салсак, жылына 800 миң тонна күйүүчү-майлоочу май чыгарган завод инвестор менен соттошуп, 2019-жылдан бери токтоп турган. Кыргызстан инвесторлорду салык төлөбөй жатат деп айыптаган. 2015-жылдын декабрь айында ишкананын 54 миллион сом салыкты жашырганы аныкталган текшерүүнүн жыйынтыгы менен ишкананын жетекчилигине кылмыш иши козголгон.

Ошондой эле текшерүүнүн жүрүшүндө кампада 26 млн сомдук 1 миң тонна бензиндин жетишсиздиги жана кассалык отчеттуулуктун бузуулары аныкталган.