Жарыяланган
2025-09-01, 12:00Кыргызстанда кулпунай өстүрүү менен көп киреше тапкан дыйкан аныкталды. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти.
Маалыматка ылайык, фермер Нурбек Отогонов 1 гектар жерге кулпунай тигип, 37 тонна түшүм алган.
Жакшы киреше табууну каалаган багбандарга 29-январга чейин айыл чарба министрлигине кайрылуу сунушталат.
"29-январда саат 10:00дө И.Скрябин атындагы Кыргыз улуттук агрардык университетинде багбанчылыкта ийгилик жараткан адистер жана фермерлер өз тажрыйбасы менен бөлүшүп, кулпунай жана алма өстүрүүнүн заманбап технологиялары жана түшүмдүүлүктү арттыруунун сырлары менен бөлүшөт", - деп айтылат маалыматта.
